Tai Solarin

Tai Solarin
Tai Solarin, director of the Mayflower school (right), with a guest from Israel in Ikene, Nigeria, 1962.
Ọjọ́ìbí	Augustus Taiwo Solarin (1916-08-20)20 Oṣù Kẹjọ 1916 Ikenne, Southern Region, British Nigeria (now in Ogun State, Nigeria)
Aláìsí	27 July 1994(1994-07-27) (ọmọ ọdún 77) Ikenne, Ogun State, Nigeria
Orílẹ̀-èdè	Nigerian
Orúkọ míràn	Tai
Iléẹ̀kọ́ gíga	Manchester University University of London
Iṣẹ́	Educator, social activist, author (journalist) first African pilot
Olólùfẹ́	Sheila Mary Tuer (m. 1951)
Àwọn ọmọ	Corin Solarin Tunde Solarin

Augustus Taiwo "Tai" Solarin (tí wọ́n bí ní ogúnjọ́ osù kẹjọ ọdún 1916, tó papòdà ní ọjọ́kẹtàdínlọ́gbọ̀n osù keje ọdún 1994) fìgbà kan jẹ́ olùkọ́ ti orílẹ̀-èdè Nàìjíríà àti òǹkọ̀wé. Ó ṣe ìdásílẹ̀ Mayflower School, ní Ikenne, ní Ìpínlẹ̀ Ògùn ní ọdún 1956. Ní ọdún 1952, Solarin di ọ̀gá ilé-ìwé Molusi College, ní Ìjẹ̀bú Igbó, ó sì wà ní ipò yìí títí wọ ọdún 1956 tí ó fi di ọ̀gá ilé-ìwé Mayflower School.

Ìbẹ̀rẹ̀pẹ̀pẹ̀ ayé rẹ̀

Ìlú Ikenne ní Ìpínlẹ̀ Ògùn ni wọ́n bí Solarin sí. Òun sì ni ọ̀kan lára àwon ìbejì tí Daniel Solarin àti Rebecca Okufule Solarin bí. Èkejì rẹ̀, tí orúkọ rẹ̀ ń jẹ́ Caroline Kehinde Solarin kú ní ọdún 1991, ní ọmọdún mọ́kàndínláàádọ̀rún-ún. Òun àti èkejì rẹ̀ nìkan lọmọ tí àwọn òbí rẹ̀ bí. Ilé-ìwé Wesley College ìbàdàn ni ó lọ. Àwọn àkọsílẹ̀ Nnamdi Azikiwe lórí gbígba àwọn ọ̀dọ́ níyànjú láti lọ kàwé ní òkè òkun ló wú Solarin lórí. Ìgbìyànjú àkọ́kọ́ rẹ̀ láti gba ìwé ìrìnà ò bọ́ si, àmọ́ wọ́n padà mu, láti ṣiṣẹ́ ní British Air Force, ó sì ṣiṣẹ́ pẹ̀lú Royal Air Force gẹ́gẹ́ bí atọ́nisọ́nà ní Second World War. Ìlú ọba ni ó wà, tó fi kẹ́kọ̀ọ́ ní University of Manchester, lẹ́yìn náà ni ó lọ sí University of London. Tai Solarin fẹ́ Sheila Mary Tuer níṣu lọ́kà ní ọdún 1951.

Solarin padà sí orilẹ̀ èdèe Nàìjíríà, ó sì di olùkọ́ ní Molusi College, èyí tí àwọn ará-ìlú àti ẹlẹ́sìn kìrìsìtẹ́ẹ́nì ń ṣe ìrànlọ́wọ́ fún, ní Ijebu-Igbo. Ní ọdún 1952, wọ́n yàn sí ipò ọ̀gá ilé-ìwé, lẹ́yìn tí Stephen Awokoya kúrò nípò, tó lọ di Mínísítà fún ètò ẹ̀kọ́. Solarin tó jẹ́ ọmọnìyàn ní èròǹgbà láti mú àyípadà bá ètò-ẹ̀kọ́, èyí sì mu kí ó yọ àdúrà àràáárọ̀ àti àwọn ẹ̀kọ́ nípa ẹ̀sìn kúró ní ilé-ìwé náà. Ọ̀pọ̀lọpọ̀ ènìyàn ní ìlú ló tako èyí. Ìlú yìí bákan náà sì jẹ́ èyí tí àbúròkùnrin rẹ̀ ti jẹ́ òjíṣẹ́ Ọlọ́run. Ó pinnu láti fi iṣẹ́ náà sílẹ̀, ó sì tẹ̀síwájú láti lọ ṣèdásílẹ̀ ilé-ìwé tirẹ̀ pẹ̀lú ìfọwọ́sí Awókọ̀yá tó fìgbà kan jẹ́ ọ̀gá ilé-ìwé. Ó ṣe ìdásílẹ̀ ilé-ìwé Mayflower ní ọjọ́kẹtàdínlọ́gbọ̀n oṣù ṣẹ́ẹ́ré ọdún 1956.

Ilé-ìwé Mayflower

Ọgbà ilé-ìwé Mayflower tí ó ṣèdásílẹ̀ jẹ́ èyí tí ìwọ̀n ilẹ̀ rẹ̀ tóbi, ìlú tí wọ́n sì bí Tai Solarin sí, ní Ikenne, ní Ìpínlẹ̀ Ògùn ló wà. Iye àwọn akẹ́kọ̀ọ́ tó wà ní ilé-ìwé yìí á tó ẹgbẹ̀rún lọ́nà mẹ́ẹ̀ẹ́dógún (15,000).

Ọgbà náà ní kílààsì, ilé ìṣàkóso, ilé kékeré fún ọ̀pọ̀lọpọ̀ olùkọ́, ilé-ìgbé àwọn akẹ́kọ̀ọ́ àti oko. Ilé-ìwé náà gbajúmọ̀ fún àṣeyọrí rẹ̀ nípa ètò ẹkọ́.

Ìṣeníwọ̀nba

Ní ìlú tí àwọn ọlọ́lá àti ọlọ́rọ̀ máa ń wọ agbádà olówó ńlá, láti fi ọlá àti ipò wọn hàn,kakí àti ẹ̀wù lásán ni Tai máa ń wọ̀.

Tai Solarin University of education

Ní oṣù Béélú, ọdún 2005, Nigerian National Universities Commission (NUC) ṣe ìdánimọ̀ "Tai Solarin University of Education" (TASUED) ní Ìpínlẹ̀ Ògùn gẹ́gẹ́ bí ilé-ẹ̀kọ́ gíga àkọ́kọ́ tó ń rí sí ẹ̀kọ́ nípa iṣẹ́ ìkọ́ni, àti ilé-èkọ́ gíga ẹlẹ́ẹ̀kẹtàdínlọ́gbọ̀n tó jẹ́ ti ìpínlẹ̀ àti ilé-ẹ̀kọ́ gíga ẹlẹ́ẹ̀kẹrìndínlàaàdọ́rùn-ún tó wà ní orílẹ̀-èdè Nàìjíríà.

Iṣẹ́ rẹ̀

• Towards Nigeria's Moral Self-Government,
• Thinking with You.
• A Message for Young Nigerians.
• To Mother With Love.
• Mayflower; the story of a school.
• Timeless Tai.