Mohammed Shaaba Lafiagi

Mohammed Sha'aba Lafiagi
Mohammed Sha'aba Lafiagi
Executive Governor of Kwara State
	In office; 1 January 1992 – November 1993
Asíwájú	Alwali Kazir
Arọ́pò	Mustapha Ismail
Senator of the Federal Republic of Nigeria from Kwara North Senatorial District
	In office; 7 June 2011 – June 2019
Asíwájú	Ahmed Mohammed Inuwa
Arọ́pò	Sadiq Sulieman Umar
Àwọn àlàyé onítòhún
Ẹgbẹ́ olóṣèlú	Peoples Democratic Party

Mohammed Shaaba Lafiagi jẹ́ olóṣèlú ọmọ orílẹ̀ èdè Nàìjíríà tí a dìbò yàn sí Gómìnà Ìpínlẹ̀ Kwara ní Oṣù Kinni, ọdún 1992 lábẹ́ àsìá ẹgbẹ́ òṣèlú Social Democratic Party (SDP), ṣùgbọ́n ìjọba Gbogbogbo Sani Abacha yọ ọ kúrò nípò ní Oṣù kọkànlá, ọdún 1993^[1].

Gẹ́gẹ́ bí gómìnà, ó bẹ̀rẹ̀ ìkọ́lé olú ilé-iṣẹ́ àkọ́kọ́ tuntun fún Kwara State Printing and Publishing Corporation, ṣùgbọ́n wọn kò ṣí wọn títí di ọdún 2002, àti ní ọdún 2010 wọn pinnu pé kí wọn ó wó wọn lulẹ̀ (demolition)^[2].

Iṣẹ́ òṣèlú

Ó jẹ́ ọmọ-ẹ̀yìn (protégé) Olusola Saraki, Adarí Ilé-Ìgbìmọ̀ Aṣòfin Àgbà (Senate Leader) ní àkókò Ìjọba Olómìnira Kejì ti Nàìjíríà, ẹni tí ó ràn án lọ́wọ́ láti di gómìnà ní Oṣù Kejìlá, ọdún 1991^[3]. Ó jẹ́ ọmọ ẹgbẹ́ Committee for National Consensus (CNC) pọ̀ mọ́ Olusola Saraki. Nígbà tó yá, ìbáṣepọ̀ wọn bàjẹ́ nígbà tí ó hàn gbangba pé Bukola Saraki ń ṣe àtìlẹ́yìn fún Mohammed Lawal fún ipò gómìnà Kwara ní ọdún 1999. Bí ó tilẹ̀ jẹ́ pé, ó ṣì ní agbára pàtàkì nínú òṣèlú Ìpínlẹ̀ Kwara^[4].

Shaaba Lafiagi di ọmọ ẹgbẹ́ Igbimọ̀ Alábojútó (Board of Trustees) ti ẹgbẹ́ òṣèlú People’s Democratic Party (PDP)^[5].

Ní Oṣù Kejì, ọdún 2009, wọn yàn án gẹ́gẹ́bí alága (Chairman) ti National Sugar Development Council, ilé-iṣẹ́ ìjọba kan (parastatal)^[6].

Òun ló darí ìgbìmọ̀ ìṣètò fún Àpéjọ Orílẹ̀-èdè Pataki fún ẹgbẹ́ òṣèlú PDP tí a ṣe ní ogúnjọ́ Oṣù Kẹrin, ọdún 2009, tí ó dá ìṣúná mílíọ̀nù erínwó náírà lélẹ̀. Nípa ìpo-ọrọ̀ ajé ilẹ̀-èdè, Ààrẹ Umaru Yar’Adua dín ìṣúná náà kù sí milionu ọgọ́run náírà^[7].

Ní Oṣù Kẹrin, ọdún 2011, wọn dìbò yàn án sí Sẹ́nétọ̀ tí ń ṣojú Kwara North Senatorial District.

Àkókò ìjọba

Alhaji Mohammed Sha’aba Lafiagi ní ìfaramọ́ láti mú ìgbé-ayé àwọn ará Ìpínlẹ̀ Kwara dára síi. Ó ṣe ìmúlò ọ̀pọ̀ ìlànà láti gbé ìdàgbàsókè abúlé ga, pẹ̀lú ṣíṣe ọ̀nà tuntun àti pípèsè àtìlẹ́yìn owó fún àwọn àgbẹ̀. Ó tún dá àyíká tó rọrùn sílẹ̀ fún ìdókòwò nínú ọ́gbà-iṣẹ́ (industrial ventures). Shaaba Lafiagi ka ẹ̀kọ́ sí ohun pàtàkì gan-an. Ó tún àwọn ilé-ẹ̀kọ́ tó wà tẹ́lẹ̀ ṣe, ó sì kọ́ tuntun. Ó pèsè àtìlẹ́yìn owó fún àwọn akẹ́kọ̀ọ́, ó sì mú kí àwọn olùkọ́ ní ìtara láti jẹ́ kí iṣẹ́ wọn túbọ̀ dára. Nítorí ipa rẹ̀, ẹ̀tò ẹ̀kọ́ Ìpínlẹ̀ Kwara túbọ̀ dára lọ́pọ̀lọpọ̀. Ó tún jẹ́ alátìlẹ́yìn ìdàgbàsókè ìròyìn (media). Ó dá Kwara State Television sílẹ̀, ó sì bẹ̀ ìwé iroyin The Herald pé kí wọ́n fún àwọn iṣẹ́ ìjọba ní ìpolówó tó pọ̀ síi. Ó tún ṣe àtìlẹ́yìn fún ìdásílẹ̀ àwọn ilé ìfowópamọ́ nípasẹ̀ oríṣìíríṣìí àwùjọ ní ìpínlẹ̀ náà^[8].

Àyọkà yìí tàbí apá rẹ̀ únfẹ́ àtúnṣe sí.

Ẹ le fẹ̀ jù báyìí lọ tàbí kí ẹ ṣàtúnṣe rẹ̀ lọ́nà tí yíò mu kúnrẹ́rẹ́. Ẹ ran Wikipedia lọ́wọ́ láti fẹ̀ẹ́ jù báyìí lọ.

Àwọn Ìtọ́kasí

[1] ttps://www.worldstatesmen.org/Nigeria_federal_states.htm

[2] ttps://web.archive.org/web/20110711063239/https://www.galaxytvonline.com/news/main-news/kwara-government-to-demolish-premises-of-kwara-state-printing-and-publishing-corporation

[3] ttps://odili.net/news/source/2009/sep/13/614.html%5B%5D

[4] ttps://web.archive.org/web/20051202191041/https://www.thisdayonline.com/archive/2001/11/10/20011110cov02.html

[5] ttps://web.archive.org/web/20100601033107/https://www.pdpuschapter.org/5.html

[6] ttps://allafrica.com/stories/200903020566.html

[7] "Ẹda pamosi". Archived from the original on 22 October 2012. Retrieved 29 December 2025.

[8] ttps://web.archive.org/web/20230611213831/https://abubakarbukolasaraki.com/wp-content/uploads/2020/06/Part-Two.pdf

[1]

[2]

[3]

[4]

[5]

[6]

[7]

[8]